o2 gardens

Սենյակային և դրսի համար նախատեսված բույսերի ամենամեծ տեսականին տարածաշրջանում՝ ներմուծված Եվրոպական լավագույն տնկարաններից և ադապտացված հայաստանյան բնապայմաններին, որի շնորհիվ բույսերը ունենում են ակտիվ աճ և հեշտությամբ ադապտանում են մեր ցանկացած կլիմայական գոտում։ Մեզ մոտ կարող եք գտնել 2800-ից ավել բույսերի, ծառերի և թփերի տեսակներ։ Օ₂ Gardens-ը Հայաստանում իր տեսակի մեջ եզակի և առաջին նախագիծն է: Անվանումն ինքնին խորհրդանշական է, և հիմնված է կենսական կարևորություն ունեցող տարրի՝ թթվածնի վրա: Միևմույն ժամանակ՝ Օ₂ Gardens-ն ավելին է, քան միայն թթվածինը: Այս կոնցեպտը ներկայացված է «More than Oxygen» կարգախոսով և դրսևորվում է մեր գործունեության ուղղություններում: Օ₂ Gardens-ի առաքելությունն է Հայաստանում ձևավորել կանաչապատման նոր մշակույթ, նպաստել լանդշաֆտային ճարտարապետության զարգացմանը, նոր ավանդույթների ստեղծմանը և հասարակության էկոլոգիական կրթվածության մակարդակի բարձրացմանը: Շուրջ 25 000 քմ մակերեսով կանաչ և թթվածնաշատ այս միջավայրը հնարավորություն է տալիս լինել բնությանն ավելի մոտ: Այստեղ կարող եք շրջել, ունենալ հաճելի ժամանց, ծանոթանալ բույսերին, ցանկության դեպքում դրանցից յուրքանչյուրը ձեռք բերել և ունենալ ձեր բնակարանում, այգում, աշխատավայրում: Օ₂ Gardens-ն ունի մասնագիտացված խանութ-ցուցասրահ, որտեղ ներկայացված են ինտերիերի և էքստերիերի համար նախատեսված աքսեսուարներ՝ ծաղկամանների լայն տեսականի, բույսերի սիրահարների համար թեմատիկ յուրօրինակ նվերներ, ինչպես նաև բույսերի և այգու խնամքի համար անհրաժեշտ իրեր ու գործիքներ: Օ₂ Gardens-ը ներառում է նաև նմանատիպը չունեցող տնկարան, բուսաբանական այգի, ուսումնական կենտրոն, սրճարան, երեխաների համար նախտեսված խաղահրապարակ` ամբողջությամբ ուղղված կրթությանը, մասնագիտական միջոցառումների և ոլորտի մասնագետների համար փորձի փոխանակման սրահներ: Իսկ այգու գրավչության ապահովման, լանդշաֆտային դիզայնի, բույսերի ճիշտ ընտրության և խնամքի, գրագետ նախագծված ու մոնտաժված ոռոգման համակարգ ներդնելու վերաբերյալ մասնագիտական լիարժեք խորհրդատվություն կտրամադրեն ընկերության հմուտ և պրոֆեսիոնալ մասնագետները: